Pas publikimit të këngës “Shqiptar”, ku Gold AG, fyen në mënyrat bizare të mundshme disa figura të jetës publike, përfshirë edhe politikanë, Policia e ka ftuar këtë të fundit që të paraqitet nesër në Stacionin policor numër 2 në kryeqytet.
Lajmin e ka konfrimuar për Express, Policia e Kosovës.
Zëdhënësja Flora Ahmeti tha lidhur me rastin janë duke punuar bashkarisht me Prokurorinë.
“Lidhur me personin në fjalë jemi duke punuar bashkarisht me Prokurorinë, prej të cilës e kemi marr edhe autorizimin për ftesën për intervistë”, ka thënë për Express.
Gold AG është thirrur për intervistim në cilësinë e të dyshuarit lidhur me rastin – veprën penale “nxitje e urrejtjes, përçarjes ose mosdurimit kombëtar, racor, fetar apo etnik”.
