Jeton Rahimi përcillet për në banesën e fundit

Qindra qytetarë të komunës së Bujanocit dhe Preshevës, si dhe familjarë e dashamirë nga diaspora, kanë marrë pjesë në varrimin e 28 vjeçarit, Jeton Rahimi, i cili ndërroi jetë si pasojë e aksidentit fatal që ndodhi të mërkurën (26.03.2014) në Steinach të Kantonit Thurgau në Zvicër.

Varrimi i të ndjerit u bë sot në vendlindje në varrezat e fshatit Letovicë të komunës së Bujanocit. Në ceremoninë mortore e zhvilluar pas namazit të ikindisë, në kolonën e gjatë për të përshëndetur për herë të fundit të dashurin e tyre, morën pjesë anëtarë të familjes së ngushtë, familjarë nga rrethi i gjerë, miq e dashamirë nga vende të ndryshme të rajonit, raporton Titulli.

I ndjeri, 28 vjeçari Jeton Rahimi me familje, jetonte në Zvicër./Titulli.com/