Rama u kërkon ndjesë shqiptarëve, që i tha Berishës “Rrotë k…”
Kryeministri Edi Rama u kërkoi publikisht ndjesë shqiptarëve, por jo opozitës, për fjalorin e përdorur në seancën e kaluar në Kuvend. Nga foltorja e parlamentit, kryeministri pranoi se kishte shkelur etikën në një moment emocional ,duke mërmëritur nën zë.
“Keni të drejtë kur thoni se kur dilni në këtë foltore nuk duhet të shqetësoheni nga fjalët mbrapa, kjo nuk do ndodhi më. Ju keni të drejtë kur thoni se dhe unë në seancën e kaluar e shkela etikën, është e vërtetë, por me një dallim shumë të madh, thjesht ndava me kolegët e mi një moment emocional që megjithatë ju keni të drejtë kur thoni që pikërisht se ne jemi ndryshe nga ju ne nuk duhet të bëjmë si ju. Dua t’ju kërkoj ndjesë të gjithë atyre që janë ndjerë të bezdisur nga transkriptimet e ekranit tuaj. Transkriptime shumë hileqare, por që nuk justifikojnë kryeministrin. Pavarësisht nëse u thanë me zë apo u mërmëritën pa zë.” u shpreh kryeministri.
