10 këshilla për një dietë të thjeshtë

Fillimisht nisni me aktivitetin fizik, më pas bëni një ditar për ushqimin dhe pastaj nis pakësimi i yndyrnave.

Organizoni veprimtarinë tuaj fizike në mënyrë të rregullt. Shëtitjet, ngjitjen dhe zbritjen e shkallëve, zëvendësoni stacionin e fundit të autobusit me ecjen në këmbë, evitoni të udhëtoni me makinë apo autobus për të shkuar në vendet pranë vendndodhjes suaj.

Vajin, salcën apo sheqernat llogaritini të jenë një lugë për vakt. Mundohuni të mos konsumoni ushqimet e gatshme që nuk dini përbërjen.

Në ditë duhet të konsumoni 4 deri në 5 vakte të vogla, por me kalori. Hani mëngjes për të mos u ndjerë të uritur në mbrëmje. Kjo është një këshillë që duhet ta mbani gjithmonë parasysh. Nëse në mbrëmje jeni të uritur dhe hani shumë më vonë do të përballeni me shtimin në peshë.

Për të tretur më mirë duhet ta përtypni ushqimin ngadalë dhe kafshatat të jenë të vogla. Tregohuni të duruar gjatë ngrënies.

Asnjëherë mos mendoni se kilogramët e tepërt vijnë nga ngrënia e bukës, patateve, makaronave apo brumërave të tjera. Karbohidratet në sasi të kontrolluara nuk janë të dëmshme, ndërkohë që ato që gjenden te perimet janë shumë të kripura dhe të dëmshme. Ndaj, nëse tregoni kujdes në konsumimin e këtyre produkteve, mos i eliminoni nga menyja juaj.

Duhet të konsumoni mesatarisht 3-4 fruta në ditë. Dhe në menynë e ditës nuk duhet të mungojnë 3 porcione të mira me perime.

Të paktën dy herë në javë duhet të konsumoni peshk të gatuar me perime apo sipas dëshirës.

Pijet alkoolike duhet të evitohen, pasi pakësojnë eliminimin e yndyrave.

Gjatë dietës mos e kini mendjen te peshorja apo pakësimi i kileve të tepërta. Kontrollojeni peshën apo linjën tuaj me rrobat e përditshme.