Një shtetas malazez nga Podgorica i cili është prezantuar me mbiemër serb, është arrestuar nga policia e Maqedonisë në Kumanovë, për shkak se është interesuar për pozicionet e policisë serbe. Pas arrestimit ai është dorëzuar në ambasadën amerikane, shkruan “press24”.
“Ai ka udhëhequr 80 vullnetarë në luftën e Ukrainës kundër Rusisë, në aksionin e ri ka pasur rolin e “urithit” që do t’i informonte esktremistët për pozicionet serbe”, shkruan press 24 pa precizuar se për cilët ekstremistë bëhet fjalë. Lajmpress.com raporton se sipas dyshimeve të para të shërbimeve serbe, qëllimi i tij ka qenë që të njoftojë “terroristët e UÇK-së” që dëshirojnë të kalojnë nga Kosova në Preshevë. I arrestuari ka qenë pjesëtar i Agjencisë për siguri kombëtare të Malit të Zi.
