Fruti i pjeprit me shumë vlera

Fruti i pjeprit ka shumë vlera ushqyese dhe ndihmon shumë për një lëkurë më të mirë dhe më të shëndetshme si dhe është I mirë për kockat, transmeton Klan Kosova.

Është antistres dhe antioksidues

Pjepri është një nga frutat që lufton stresin.

Ai ka një enzimë që transformon substancat e rrezikshme për organizmin. Gjithashtu pjepri përmban vitaminë A dhe C.

Si dhe karotenoidet të cilat luftojnë radikalet e lira, duke vonuar plakjen qelizore.

Ndihmon sistemin nervor

Pjepri përmban sasi të mëdha të vitaminës B6, e cila është e domosdoshme për të mbajtur nën kontroll nervozizmin dhe irritimin

Shëron plagët dhe ndihmon kockat

Vitamina C e cila gjendet te pjepri, kryen një funksion të rëndësishëm në formimin e kolagjenit, duke ndikuar në shërimin e plagëve në lëkurë.

Fosfori dhe kalciumi që ka pjepri garantojnë mbrojtjen e kockave, duke kontribuuar në mënyrë të dukshme në forcimin e tyre.

Ka pak kalori dhe vlera ushqyese

Pjepri  konsiderohet një nga  frutat hipokalorike. 100 gram pjepër ka gjithsej 33 kalori. Ka një sasi të madhe fibrash, çka jep ndjesinë e ngopjes te konsumatori.

Çdo 100 gramë pjepër përmban 7,4 gramë karbohidrate, 0,2 gramë yndyrna, 0,8 gramë proteina, 0,7 gramë fibra. 90 % e pjeprit është ujë dhe kjo bën të mundur hidratimin e organizmit.

Nxit qarkullimin e gjakut dhe aktivitetin e stomakut

Pjepri ka në përbërje të tij potasium, i cili favorizon qarkullimin e gjakut, duke bërë të mundur edhe mbajtjen nën kontroll të presionit arterial.

Fibrat që gjenden te pjepri përmirësojnë dukshëm tranzitin intestinal, duke luftuar fryrjen e barkut.