Thuajse të gjitha rrugët e qytetit të Preshevës janë të mbushura me gropa. Disa jane krijuar si pasojë e degradimit të asfaltit. Të tjera nga institucione që hapin kanale për të futur tubacione e linja nëntokësore e nuk i mbyllin. Rruga 15 Nëntori që është rruga më e frekuentuar në qytet është ndër më të dëmtuarat, por sot pas identifikimit të këtyre gropave ka filluar “Arrnimi” apo riparimi i kësaj rruge. Qytetarët deri më tash kanë pasë problem lëvizjen e lirë në komunikacion nëpër këtë rrugë.
