Parlamenti hungarez ka aprovuar ligjin e shumë përfolur të përjashtimit të emigrantëve nga vendi. Ligji, i cili ka marrë votat e mazhorancës së qeverisë dhe të ekstremistëve nacionalistë të Jobik, parashikon një procedurë të përshpejtuar të depërtimit nga vendi dhe ndërtimin e një muri me tela me gjemba në kufi me Serbinë.
Ligji, teknikisht një modifikim i normativës ekzistuese mbi emigracionin, kufizon të drejtën e kërkimit të azilit në vendet e BE-së, në përgjigje të numrit rekord të migruesve dhe refugjatëve që kanë mbërritur në vend këtë vit (rreth 67 mijë).
Rregullat e reja, të kritikuara nga Organizata e Kombeve të Bashkuara, do të lejojnë autoritetet të mos pranojnë kërkesat për azil, nëse do ta lënë Hungarinë për më shumë se 48 orë pa autorizim.
