Kombëtarja e femrave të Shqipërisë është duke i ndjekur hapat e përfaqësueses së meshkujve, duke shënuar fitore kundër kombëtareve të mëdha.
Përfaqësuesja e femrave e drejtuar nga trajneri Altin Rrakli ka fituar miqësoren e parë kundër Turqisë .
Në ndeshjen e zhvilluar në “Loni Papuçiu” në qytetin Fierit, Shqipëria mposhti Turqinë me rezultat minimal prej 1-0, me golin e shënuar nga Klaudia Rrotani në minutën e 89’.
“Kemi bërë një lojë të mirë, duke arritur dhe rezultatin e dëshiruar, dua të theksoj se kemi dominuar ndeshjen dhe kemi humbur disa raste shënimi”, është shprehur Rrakli për “Fshf.org”.
