​‘Klopp perfekt për Liverpoolin’

Ditmar Hamann beson se Jurgen Klopp do të ishte ideal për trajner të Liverpoolit.
Ish mesfushori i Liverpoolit, Ditmar Hamann beson se trajneri gjerman Jurgen Klopp do të përshtatej shumë mirë në Liverpool.

Ai tha se nëse Liverpooli do ta kishte kërkuar atë, ai do t’i bashkohej asaj skuadre dhe se ka dyshim nëse do të ishte vendim i duhur për të marrë drejtimin e Bayernit.

“Nëse ata do ta kishin kërkuar para përfundimit të sezonit, jam i sigurt 99% se ai do t’i bashkohej Liverpoolit. Ai do të ishte perfekt për Liverpoolin”, tha Hamann për Sky.

“Shumë njerëz thonë se ai do t’i bashkohet Bayern Munichut në vitin 2016, por nuk e di nëse do të përshtatej atje”.

Kujtojmë se Klopp është trajner i lirë, pasi ka vendosur që të pushoj një edicion para se të marr drejtimin e ndonjë skuadre tjetër.