Automobili del nga shtegu garues, mbyt gjashtë persona (Video)

Të paktën gjashtë persona kanë vdekur kur një automobil ka dalë nga shtegu dhe ka goditur publikun, gjatë një gare të veturave Rally në Spanjë.
Në mesin e viktimave të Rally “La Corunja “, e cila u mbajt në qytetin Caral të Spanjës është një grua shtatzënë dhe një fëmijë tetë vjeçar.

Incidenti ka ndodhur kur makina ka dalë nga rruga me një shpejtësi të madhe derisa po përpiqej të kalonte një kthesë të madhe sa më lehtë, transmeton Klan Kosova.

Gara është ndërprerë menjëherë ndërsa policia spanjolle akoma nuk e ka konfirmuar numrin zyrtar të të vdekurve dhe të lënduarve nga ky aksident.

https://www.youtube.com/watch?v=RyT-cKSN-FE