Casillas votohet si portieri më i mirë në histori të LK

Iker Casillas është votuar si portieri më i mirë në histori të Ligës së Kampionëve nga lexuesit e portalit të futbollit, Goal.
Ikona e Real Madridit, i cili iu bashkua Portos këtë verë, ka lënë pas vetes emra, si Gianluigi Buffon (Juventus ) dhe Peter Schmeichel (Manchester United), të cilët janë renditur në pozitat dy dhe tre, respektivisht.

Në sondazh kanë votuar mbi 50 mijë lexues dhe kanë votuar për portierin më të mirë që nga viti 1992, kur gara e ka marrë emrin që e ka aktualisht.

Edwin van der Sar (Manchester United) dhe Oliver Kahn (Bayern Munich) kanë mbyllur pesë pozitat e para.

Casillas e ka fituar tri herë Ligën e Kampionëve me Real Madridin dhe të martën do ta zhvillojë ndeshjen e tij të 152-të në këtë garë, me ç’rast do ta kalojë rekordin e Xavit.