Mourinho tregon se a do ta përshëndet Casillasin

Jose Mourinho ka thënë se ai do ta përshëndet Iker Casillasin në ndeshjen që Chelsea do ta zhvillojë kundër Portos në kuadër të Ligës së Kampionëve.
Casillas në këtë ndeshje nëse aktivizohet nga fillimi do të bëhet lojtari me më së shumti paraqitje në garën më prestigjioze evropiane.

Edhe pse është folur shumë për marrëdhëniet në mes të strategut portugez dhe legjendës spanjolle, Mourinho thotë se nuk ka më inate në mes tij dhe Casillasit.

“E di çfarë po pyesni”, ka thënë Mourinho pas pyetjes së një gazetar spanjoll.

“Do ta përshëndes Casillasin, normalisht. Mos humbisni kohë më duke e diskutuar këtë”, ka nënvizuar trajneri portugez.