Në Preshevë falet namazi i Kurban Bajramit!

Besimtarët myslimanë në gjithë Luginën, kanë kryer ritet e ditës së Kurban Bajramit.
Me rastin e faljes së Festës së Kurban Bajramit, të gjithë imamët iu drejtuan besimtarëve mysliman, duke u bërë apel të gjithëve që në këtë ditë festive ta ndihmojnë njëri tjetrit.

Ata në këtë ditë feste e gëzimi, i ftuan besimtarët që në zemrat e tyre të shëndërritë besimi më i sinqertë, që të jenë solidar e tolerant, që të lënë urrejtjen dhe armiqësinë. Porosia e kësaj feste qëndron mbi parimet e bujarisë solidaritetit dhe sakrificës. Në këtë ditë të madhe që simbolizon unitetin barazinë solidaritetin dhe sakrificën , i uruan të gjithë shqiptarëve festen e kurban bajramit, transmeton Presheva.AL

Pas faljes së namazit, besimtarët i uruan njëri tjetrit Kurban Bajramin, duke uruar mirësi, paqe e dashuri për të gjithë.

Manifestimi kushtuar festës së Kurban Bajramit, filloi në ora 5:40, me faljen e namazit të sabahut, pas të cilit një ligjëratë tematike, kushtuar kësaj feste,

Ndërsa Namazi i Kurban Bajramit u fal në ora 7:01.

Presheva.AL për fund i uron të gjithëve festën e Kurban Bajramit.