Wenger nuk ruan lojtarë për derbin ndaj Unitedit

Trajneri i Arsenalit, Arsene Wenger, ka thënë se nuk do të ruajë asnjë lojtarë në takim me Olympiacosin për shkak të derbit të fundjavës ndaj Manchester Unitedit.
“Topçinjtë” takohen me “Djajtë e Kuq” në Premier Ligë, pesë ditë pasi luajnë me rivalët grekë në kuadër të Grupit F në “Champions”.

“Ne luajmë të martën në mbrëmje dhe më pas me Manchester Unitedin të dielën – pesë ditë s’është problem”, ka thënë Wenger në konferencën për media.

“Të shohim çfarë do të ndodhë më herët. Disa lojtarë patën ndeshje të vështira me Tottenhamin dhe Leicesterin. Duhet të analizoj këtë para se të marr vendime”, ka shtuar francezi.

Pavarësisht deklaratave, besohet se Wenger do të pushojë Petr Cechun dhe kundër Olympiacosit do të luajë me David Ospinan.