Benitez: Pres më shumë nga Ronaldo

Trajneri i Real Madridit, Rafael Benitez shpreson se ka për të ardhur më shumë nga Cristiano Ronaldo, pasi që sulmuesi portugez shënoi dy gola mbrëmë kundër Malmos. Me këta dy gola, Ronaldo grumbulloi plot 501 gola në karrierën e tij futbollistike, ndërsa Benitez pret më shumë nga sulmuesi portugez. ”Ronaldo e ka kaluar Raul, i cili ishte një fenomen. Dhe, kjo tregon se sa gola ka shënuar ai deri më tani. Shpresoj që ai të mos bie, ndërsa vendi i tij këtu është i padiskutueshëm”. ”Ai ka shënuar më shumë gola se lojtarët e tjerë që kanë luajtur këtu dhe kjo tregon arritjet e tij madhështore”, tha Benitez për gazetarët.