Cuadrado i lumtur te Zonja e Vjetër

Juan Cuadrado shprehet i lumtur me fitoren e mbrëmshme kundër Sevillas me rezultat 2-0 në kuadër të xhiros së dytë të Ligës së Kampionëve.
Kolumbiani ka thënë se triumfi kundër ekipit spanjoll është tejet e rëndësishme pasi ishte e para për këtë sezon në Juventus Arena, transmeton Telegrafi.

“Jam i kënaqur me fitoren, kemi luajtur shumë mirë dhe kështu shpresojmë që të vazhdojmë edhe në të ardhmen”

“Kjo fitore ishte shumë e rëndësishme pasi është e para për ne në sezonin e ri si vendas. Prandaj edhe jemi shumë të lumtur”, kishte deklaruar pas ndeshjes Cuadrado.

Ai ka shtuar se tek Zonja e Vjetër është pritur ngrohtë, gjë për të cilën është shumë i lumtur.