Ja sa tifozë Kuqezi do të jenë në stadium ndaj Serbisë (Foto)

Armando Duka e konfirmon se do të jenë 2100 tifozë Kuq e Zi në ndeshjen kundër Serbisë. Kryetari i Federatës Shqiptare të Futbollit (FSHF), Armando Duka ka thënë se në Elbasan Arena do të jenë 2100 tifozët Kuq e Zi, pasi ata janë tifozët zyrtar të Kombëtares.
“Edhe për këtë ndeshje tifozët Kuq e Zi kanë marrë 2100 bileta, si në çdo takim, ndërsa nuk mund të garantoj se nuk ka pasur përpjekje për abuzime me bileta në tregun e zi”.
Krejt në fund Duka tha se kualifikimi apo eliminimi i përfaqësueses sonë nga objektivi madhor i Evropianit, varet vetëm nga mbrëmja e 8 tetorit.
“E vetmja gjë që mund të na eliminojë ne, është që nëse eliminojmë veten tonë përmes sjelljes në Elbasan”, thotë Duka në fund.