Valë e re e mijëra refugjatëve në Preshevë (Foto, Video)
Preshevë – Një valë e re e refugjatëve nga vendet e Lindjes së Mesme po vijnë në Preshevë, ku në 24 orët e fundit, sipas informatave të Presheva.AL nga autoritetet, mijëra burra, gra dhe fëmijë po presin tek qendra për regjistrim.
Kolona e refugjatëve nga Siria, Avganistata, Irak mëngjesin e sotëm mbuloi fushën e Miratocit, raporton Presheva.AL, të gjithë ato organizata që po i dalin në ndihmë refugjatëve ishin në gjendje gatishmërie për ti ofruar ndihmë dhe ushqime.
Sekretari i Kryqit të Kuq Ahmet Halimi për Presheva.AL tha se vetëm në 24 orët e fundit kanë arritur mbi gjashtë ose shtatë mijë njerëz, ndoshta edhe më shumë.
Ai gjithashtu theksoi se punonjësit e Kryqit të Kuq ishin në gjendje për të dalë dhe ofruar ndihmën dhe se e gjithë situata është nën kontroll.
“Kryqi i Kuq është gati për dimër të gjitha pregatitjet janë kryer me kohë, gjithashtu kemi siguruar edhe kontejnerë” tha Halimi për Presheva.AL
Qëllimi përfundimtar i refugjatëve është kryesisht Gjermania dhe vendet skandinave të cilët po përpiqen të kalojnë nëpërmjet Hungarisë dhe Kroacisë. Presheva.AL
