Në Buhiq të Preshevës, rrokulliset vetura lëndohen dy persona

Dy persona kanë pësuar lëndime në aksident rrugor ditën e mërkurë rreth orës 19 në afërsi të fshatit Buhiç, komuna e Preshevës, kur është rrokullisur një veturë.

Sipas zëdhënëses së qendrës spitalore në Vranjë Bebe Kanaçki, të lënduarit janë H.F (54) dhe H.A (21).

H.F është pranuar në spital me kontuzion të kokës dhe qafës ndërsa H.A me kontuzion të trupit dhe thyerje të hapura të të dy duarve.

Vetura në ato momente kur është rrokullisur po udhëtonte nga Presheva për në Buhiç,ndërsa kundër vozitësit do të ngritet vepër penale për shkak të rrezikimit të transportit publik.