Në Bujanoc 42.288 qytetarë me të drejtë vote, 10 lista të shpallura nga KKZ

Në zgjedhjet lokale të 24 prillit, qytetarët e komunës së Bujanocit do të mund të votojnë për njërën nga dhjetë listat që janë shpallur, respektivisht certifikuar nga Komisioni Komunal Zgjedhor (KKZ), raporton Titulli.com.

“Ky është numri definitiv i listave të shpallura, pasi më 8 prill ka kaluar afati për dorëzimin e listave”, tha për portalin Titulli.com, Fejzi Beqiri kryetar i KKZ-së në Bujanoc.

Sipas Beqirit, numri i përgjithshëm i votuesve në komunën e Bujanocit është 42.288 qytetarë me të drejtë vote.

Qytetarët që nuk janë në listën zgjedhore mund të paraqiten në zyrën për listat zgjedhore në ndërtesën e administratës komunale të Bujanocit.

Kështu do të duket lista votuese për zgjedhjet lokale në komunën e Bujanocit, sipas numrit rendor të certifikuar nga ana e KKZ-së.

1. Partia Demokratike – Dr sc Nagip Arifi.
2. Aleksandar Vuçiq – Serbia fiton.
3. Grupi i Qytetarëve Dr Stojança Arsiq – Për Bujanoc më të mirë.
4. PVD – UDSH – Shaip Kamberi.
5. Levizja e Progresit Demokratik – Jonuz Musliu.
6. Lista serbe – Partia Socialiste e Serbisë, Serbia Unike dhe Lëvizja Serbe e Përtëritjes .
7. Partia e Njësuar Rome – Jekutni Partija Romani.
8. Partia Demokratike – Natasha Klajiq.
9. Grupi i Qytetarëve për Bujanocin – Sali Salihi.
10. Partia Republikane – Republikanus Part- Avdil Ramadani.