PVD reagon ndaj incidentit të mbrëmshëm!

Partia për Veprim Demokratik përmes një postimi në facebook ka reaguar për incidentin e mbrëmshëm, i cili ndodhi gjat tubimit zgjedhor në bashkësin lokale Bukuroc, me ç’rast u dëmtuan një numër i madh i automobilave të anëtarëve të PVD – së.

REAGIM I PVD – së

“Kryesia e Partisë për Veprim Demokratik reagon shumë ashpër lidhur me incidentin e rëndë që ndodhi gjatë tubimit zgjedhor të PVD – së në Bukuroc, me ç’rast u dëmtuan një numër i madh i automobilave të anëtarëve të PVD – së.

Paraprakisht, që në fillim të fushatës gjithashtu iu dëmtuan gomat edhe automobilit të bartëses së listës së PVD – së Ardita Sinani.

Duke i gjykuar ashpër këto veprime të vandalistëve që po tentojnë të krijojnë atmosferë presioni dhe shantazhi, kryesia e PVD – së i apelon subjekteve tjera politike, e posaçërisht atyre që e çdo kusht po mundohen ta ruajn monopolin ekzistues, ta ruajnë qetësinë dhe ta shmangin përdorimin e dhunës gjatë fushatës dhe procesit zgjedhor.

Njëkohësisht kërkohet nga organet e rendit të jenë në nivelin e detyrës që iu takon në bazë të ligjit”.
Partia për Veprim Demokratik
Riza HALIMI