Serbia nuk i njeh diplomat e Kosovës

Paralajmërimet se diplomat e Universiteteve të Republikës së Kosovës do t`i njeh Sërbia, nga një prilli, përveç një lajmi të mirë për të diplomuarit shqiptarë në Luginën e Preshevës, nuk ka dhënë as një efekt.

Në Komisionin për Arsim të Lartë pranë Këshillit Nacional Shqiptarë thuhet se nuk ka përparim për njohjen e diplomave.

Fejzullahu, madje, thotë se as Ministria kosovare e Arsimit, nuk jep informacione rreth problematikës së diplomave, sipas tij ata ose nuk kanë çka të thonë ose nuk japin informacione shtesë.

Jonuz Musliu, kryetar i Kuvendit në Bujanoc, mendon se zgjidhja e problemit të diplomave bëhet vetëm përmes presionit diplomatik ndaj Serbisë.

Ndërsa, Fatmir Hasani, deputet i vetëm shqiptar në Parlamentin serb, mendon se moszgjidhja e njohjes së diplomave është rezultat i mungesës së disponimit të faktorit ndërmjetësues.

Pasojat e mosimplementimit të marrëveshjes për njohjen e diplomave, të arritur në Bruksel mes Prishtinës dhe Beogradit zyrtarë, më së shumti po i vuajnë shqiptarët e Luginës, të cilët tradicionalisht arsimimin universitarë e përfundojnë në Kosovë.