Si pasojë e akullit aksidentohen dy vetura tek udhëkryqi afër Rtp-ës (Foto)

Rreth orës 09:45 në trekëndshin afër Rtp-ës në mëngjes janë aksidentuar dy vetura, kur automjeti i tipit Golf 5 ka goditur veturën e tipit Toyota.

Vetura Golf 5 po vinte nga drejtimi i rrugës Zenel Ajdini dhe me të arritur tek udhëkryqi, drejtuesi i autmojetit ka humbur kontrollin pasi ka rëshqitur në akull dukee goditur veturën Toyota që ishte parkuar përballë Rtp-ës.

Për fat të mirë në momentin e aksidentit nuk ka pasur këmbësorë.

Ky nuk është rasti i parë këtë sezon, që në këtë rrugë gjatë mëngjesit e mbrëmjes kur temperaturat janë në minus drejtuesit e automjeteve janë sfiduar me akullin.

Ngricat në këtë vend po shkaktohen pas hapjes së kanalit për gjatë rrugës Zenel Ajdini ku uji i grumbulluar del nga shtrati duke e shëndrruar këtë rrugë në patinazh. /Zerilugines.com/