Zyra për Zhvillim kompleton dokumentacionin për aplikim për fazën e parë të Zonës Industriale 

Pas përpilimit të projekt-propozimit dhe kompletimit të dokumentacionit teknik përcjellës, sot kemi dorëzuar  në Ministrinë e Ekonomisë projektin e kompletimit të fazës së parë të Zonës industriale të komunës sonë.

Kjo fazë nënkupton kompletimin e 8 parcelave me infrastrukturë të plotë, të nevojshme për ndërtimin e kapaciteteve industriale, për hapjen e vendeve të reja të punës.

E përgëzojmë Zyrën për zhvillim ekonomik lokal për punën intensive dhe kompletimin me sukses të aplikacionit të konkursit.