Randa Al Azem, mbesa e Faik Konicës, e cila ka jetuar në Siri kurse është e martuar në Preshevë
Pak kujt do t’i shkonte në mend se pasardhësit e dy figurave më të ndritura të historisë dhe letërsisë shqiptare, vëllezërve Konica, do të kërkonin azil në tokën e etërve të tyre.
75 vjet pas vdekjes së Faik Konicës, mbesa e tij, Randa Al Azem Konica, jeton në Prishtinë, kjo pasi ajo braktisi Sirinë, vendin ku kishte lindur.
Në një shqipe të kuptueshme, ajo ka rrëfyer për emisionin “Studio e Hapur” historinë e familjes së saj, duke nisur nga pushtimi italian e deri te zhvendosja e familjes së saj në Siri, shkruan Presheva.AL
Randa Al Azem Konica tregon se si nëna dhe tezja e saj i shpëtuan pushkatimit, pasi Ambasada angleze kushtëzoi shërimin e nipit të diktatorit Enver Hoxha me lirimin e familjes Konica.
Pas kësaj, me ndihmën e Mbretit Ahmet Zogu, familja ishte vendosur në Siri, ku trashëgimtaret e vetme të vëllezërve Konica u martuan me vendës dhe krijuan familje, por duke ruajtur gjuhën e tyre amtare.
Randa ka rrëfyer se ëma e saj kishte vdekur dhe asnjëherë nuk e pranoi nënshtetësinë e Sirisë me shpresën se gjërat do të përmirësoheshin dhe ajo do të merrte atë shqiptare.
Për këto ju sjellim intervistën ekskluzive nga Randa dhënë për Televizionin Presheva.
