Me Vetëvendosjen do të shkohet drejt bashkimit të Preshevës, Medvegjës dhe Bujanocit

Liburn Aliu, kandidati për deputet i Lëvizjes Vetëvendosje, tha se nëse ata vijnë në pushtet do të kenë qasje të veçantë për shqiptarët që jetojnë në Preshevë, Medvegjë dhe Bujanoc.

Kështu deklaroi ai në Fushë-Kosovë aty ku jetojnë shumë shqiptarë të ardhur nga Kosova Lindore, në tubimin zgjedhor që u mbajt atje, njofton Klan Kosova.

“Me origjinë vijë nga Presheva dhe sot këtu do të flas më shumë për këtë çështje, pra për qytetarët e Fushë-Kosovës, që më origjinë janë nga Presheva, Medvegja dhe Bujanoci”.

“Derisa erdha këtu me shkoi në mendje se a ka ndonjë institucion që nuk është ndërtuar edhe nga këta”.

“A ka ndonjë fakultet në themelimin e të cilit nuk kanë marrë pjesë profesorët nga atje”.

“A ka ndonjë betejë, luftë që nga viti 1912 që nuk kanë marrë pjesë shqiptarët e Kosovës Lindore”.

“Këto vende sot i kanë sytë nga Prishtina”.

“Këtyre vendeve iu mungon zëri dhe dora e Kosovës”.

“Por jo pas 11 qershorit”.

“Me Vetëvendosjen në Qeveri nuk ka negociata me Serbinë, në të cilën nuk është kusht çështja e shqiptarëve atje”.

“Me Vetëvendosjen do të shkohet drejt bashkimit të Preshevës, Medvegjës dhe Bujanocit”.