Me urdhërin e ministrisë serbe në mëngjesin e 20 janarit të vitit 2013, lapidari u hoq nga forca të mëdha të xhandarmërisë serbe në sytë e qytetarëve të komunës së Preshevës, dhe pikërisht sot në këtë datë të 20 janarit në përkujtim të këtij lapidari qytetarë të komunës së Preshevës dhe familjarë të dëshmorëve të UÇPMB-së dolën për të bërë homazhe dhe për të përkujtuar dëshmorët e kombit.
Në mesin e nëntorit të vitit 2012 me iniciativën e Shoqatës Humanitare “Lugina e Preshevës” dhe komunës është marrur vendimi që të vendoset lapidari në qendër të Preshevës. Vendosja e lapidarit kishte për qëllim përkujtimin e të gjithë dëshmorëve të rënë në konfliktin e armatosur në mes okupatorëve serb dhe Ushtrisë Çlirimtare për Preshevë, Medvegjë dhe Bujanoc si dhe në të njëjtën kohë ishte një llojë kryengritje në vetvete për të shprehur moskënaqësinë e qytetarëve të Luginës së Preshevës ndaj qeverisë serbe.
