Elshani Kamberi nga Rahovica diplomon për matematikë në Turqi, zgjidhet studenti më i mirë i gjeneratës

Elshani Kamberi nga fshati Rahovicë, javën që lam pas ka kryer me sukses fakultetin e matematikes prane universitetit teknik “Gebze” në qytetin Gebze të Turqisë, shkruan Presheva.AL

Elshaniu është një shembull konkret se si me një vullnet të madh, me guxim dhe me disiplinë të palodhshme, mund të arrihet suksesi edhe në shtetet tjera duke bërë krenar gjithë shqiptarët dhe jo vetëm Luginën e Preshevës.

Më 13 korrik 2018 në moshën 24 vjeçare Elshani Kamberi arriti me sukses të përfundoj studimet prane Universitetit Teknik Gebze në qytetin Gebze, drejtimi matematikë.
Duke u zgjedhur si studenti më i mirë i gjeneratës 2017/2018, Universiteti Sabaci në Stamboll i ka ofruar Elshaniut një bursë për studime master në shkencat e matematikës.

Elshani Kamberi, një shqiptarë nga Lugina e Preshevës, i cili me suksesin e tij dëshmon se çfarë mund të arrijë një djalë i ri, me vullnet, disiplinë, zell dhe guxim, duke bërë të gjithë komunitetin që të krenohet me të.

Elshani Kamberi për Presheva.AL tha se do të vazhdoj edhe në të ardhmen ta prezantojë Luginën e Preshevës në mënyrë të dinjitetshme dhe me shumë suksese. Presheva.AL