Presheva sot nën petkun e borës (Foto)

Në ditët e ardhshme acar, me erë dhe ditë të akullta. Kohëpaskohe reshje të dobëta bore.
Nga veriu i kontinentit në drejtim të rajonit tonë po vijnë masa të ftohta arktike, që në ditët e ardhshme do të sjellin mot me acar dhe erë, e kohëpaskohe priten edhe reshje bore, por të intensitetit të dobët.

Në fundjavë, sipas parashikimeve të fundit, nga dita e diel, sërish masa të ftohta ajrore, nga verilindja e kontinentit do të depërtojnë mbi rajon duke vazhduar të kushtëzojnë mot me acar dhe reshje bore.

Shumë ftohtë. Kryesisht me vranësira. Në mëngjes reshje të dobëta bore. Temperaturat e ajrit do të pësojnë rënie të theksuar nën vlera mesatare.

Minimalet do të zbresin nga -3C deri në -8C, ndërsa maksimalet do të zbresin nën 0C, dhe do të luhaten nga -4C deri në -1C, e ditën e diel pritet të rriten në +2C.

Të enjten dhe të premten pritet të fryj erë më e fuqishme nga veriu-verilindja 4-13m/s.

Shtypja atmosferike do të pësojë rënie të lehtë, por më pas do të rritet dhe do të mbetet mbi vlera normale.