Diellza Veseli nxënësja më e mirë e klasës për vitin shkollor 2018/19

Mirënjohja ‘Nxënësi i klasës’ për Diellza F. Veseli – klasa 3/7 mjekësi.

Shkolla e mesme teknike ‘Presheva’ në Preshevë, në profilin e mjekësisë në klasën 3/7 u dha mirënjohje nga kujdestari i paraleles dr.med. Nazmi Z. Mehmeti për nxënësen më të mirë të klasës Diellza Fatos Veseli.

Vendimi u more duke u bazuar notimin e 14 lëndëve për gjatë gjithë procesit mësimor të vitit shkollor 2018/19, mendimin e profesorëve, aktivitet jashtë shkollore dhe mendimin e nxënësve.

Mirënjohja nuk ishte një fat por e arritur me punë dhe e merituar.

Si shenjë mirënjohje për rezultatet e arritura dhe motivacion u dhanë si shpërblim: një laptop nga prindi i nxënëses, shpërblim në të holla 50 frang nga dr.sci. Muzafer Ramadani hfz, një libër të autorit Fatos Kongoli dhe foto nga shtëpia botuese ‘Albas’ në Preshevë me drejtor Qëndrim Hetemi dhe një libër të Harun Yahya nga kujdestari dr. med. Nazmi Z. Mehmeti.

Fjalë miradije dhe përgëzimi mori nga shumë prindër në mbledhje, si dhe nga nxënësja Lisana Ramadani. Diellza i falënderoj përzemërsisht të gjithë shokët dhe shoqet e saja dhe tha që ky çmim e emocionoi shumë dhe ia dedikon prindërve, klasës të cilët e ndihmuan njëri tjetrin të vijnë në këtë pikë të edukimit dhe arsimimit, profesorët dhe kujdestarin.

Kujdestari falënderoj tej mase të gjithë nxënësit, prindërit duke uruar edhe më shumë sukses në vitin e ardhshëm si maturant.

Qëllimi i institucionit shkollor duhet të jetë që nxënësit duhet ta ndjejnë që janë pjesa më e rëndësishme e shoqërisë. Nxënësit janë fuqia intelektuale e shkollës dhe shoqërisë, dujet të vazhdoni të mësoni me zell dhe përkushtim. Këto janë momente vërtet të bukura, jetojmë në një mjedis të vogël, por një mjedis që njeh punën dhe cilësinë. Nuk ka investim më të mirë sesa investimi në fëmijët, në të rinjtë, në të ardhmen. Këto janë rezultatet për krenari, nxënës të mirë dhe mbi të gjitha njerëz të mirë.