Vendoset sinjalizimi horizontal në rrugët lidhëse mes rr. 15 Nëntori dhe rr. Karposhit

Pas përfundimit të asfaltimi të rrugëve lidhëse mes rr. 15 Nëntori dhe rr. Karposhit, me qëllim të ngritjes së nivelit të sigurisë dhe qartësimit të qarkullimit të të gjithë pjesëmarrësve në trafik, është realizuar sinjalizimi horizontal, që përfshin shënimin e vijave aksiale dhe periferike përskaj abësorëve, si dhe vendkalimet për këmbësorë në kryqëzime.

Me vendosjen e sinjalizimit, tashmë këto rrugë lidhëse janë kompletuar për zhvillimin normal të trafikut në këtë pjesë shumë të rëndësishme të qytetit, ku gravitojnë shumica e institucioneve publike, sidomos afërsia e shkollave kryesore të qytetit tonë, ku nëpër këto rrugë frekuentojnë një numër i konsiderueshëm i nxënësve tanë.