Përfundon numërimi i votave, Vetëvendosja e para, NISMA s’e kalon pragun

Komisioni Qendror i Zgjedhjeve( KQZ) ka përfunduar numrimin e të gjitha votave për zgjedhjet e së dielës, me ç’rast ka konfirmuar lëvizjen “Vetëvendosje” si partinë më numrin më të madh të votave.

Partia e Albin Kurtit ka fituar 202.968 vota, apo 25.48%, Lidhja Demokratike e Kosovës(LDK) 197.702 vota, apo 24.82%, Partia Demokratike e Kosovës (PDK) 169.211 vota apo 21.24%, AAK-PSD 91.149 vota, apo 11.57%, Lista Serbe 52.620 vota, apo 6.61%, ndërsa NISMA për Kosovën ka fituar 39.495 vota, apo 4.96 %, duke mos arritur ta kaloj pragun zgjedhor prej 5%.