Fontanat në qendrën e Preshevës marrin formë të re (Foto)

Në sheshin para objektit të Administratës Komunale në Preshevë, fontanat tashmë kanë marrë formë të re.

Fontanat e deritanishme kanë qenë jashtë përdorimit, si dhe njëherit kanë paraqitur rrezik për fëmijët, pasi ka patur raste kur kanë rënë aksidentalisht dhe janë lënduar në tubacionet e instalimeve të ujit.

Me kërkesë të disa prindërve, kryesisht nënave të fëmijëve që i kanë frekuentuar këto hapësira, Administrata Komunale ka inicuar një zgjidhje krejtësisht të re dhe më atraktive.

Në këtë mënyrë është evituar rreziku që u kanosej fëmijëve dhe njëkohësisht gjatë sezonit veror do të jenë më tërheqëse sidomos për fëmijët.

Uji që do të qarkulloj në fontana, do të jetë po i njëjti dhe nuk do të shpenzohet uji i pijshëm nga rrjeti i ujësjellësit të Qytetit.