Makina përplas vajzën 7 vjeçare me biçikletë në Miratocë

Në një aksident trafiku që ndodhi më 9 janar në fshatin Miratoc të komunës së Preshevës, lëndime të rënda trupore ka marrë një vajzë të cilën e ka përplasur automjeti në momentin kur ishte duke ngarë biçikletën.

Sipas policisë, vajza 8-vjeçare ishte duke ngarë biçikletën në rrugën lokale në fshat, kur një shofer 30-vjeçar me veturë të tipit golf i cili ishte duke lëvizur nga drejtimi i Miratovacit për në Preshevë e ka goditur.

Vajzës në Qendrën spitalore të Vranjës iu janë konstatuar lëndime të rënda trupore, dhe prej andej ajo u transferua në Qendrën Klinike në Nish.

Sipas të dhënave të policisë, kundër shoferit do të ngrihet padi penale për krimin kundër sigurisë në komunikacion.