A po e çojnë kosovarët koronavirusin në Shqipëri?

Debati i madh: A po rritet numri i të infektuarve në Shqipëri, prej turistëve nga Kosova?

Një debat i madh është hapur me fillim e sezonit turistik në lidhje me një menaxhim më mirë të lëvizjes së bashkëkombasve nga Kosova në drejtim të bregdetit shqiptar, duke qenë se dhe aty shifrat e rasteve të reja ditore me koronavirus janë në nivele tepër të larta.

Për mjekun Pipero, kufizimet nuk janë të nevojshme për sa kohë që njerëzit ndërgjegjësohen dhe zbatojnë rregullat e thjeshta të vendosjes së maskës, distancimit dhe higjienës.

“E gjithë bota është në një varkë të madhe. Të gjithë na ka në dorë maska kudo që jemi. Të gjithë kanë të njëjtat rregulla. Nëse i respektojmë këto masa nuk duhet të kemi frikë që bashkëkombasit tanë të vijnë këtu. Por duhet t’i këshillojmë që nëse kanë shenja të mos nisen. Të tjerët mos i kufizojmë pasi përfitojnë shumë nga deti dhe dielli”, tha Pipero.