Biblioteka e qytetit të Preshevës boton numrin e tretë të revistës për fëmijë “Shpresat”

Doli nga shtypi numri më i ri, i treti me radhë i revistës së vetme, mujore, letrare për fëmijë dhe të rinj në Luginë të Preshevës “Shpresat”.

Brenda revistës lexuesit e rinj dhe nxënësit e shkollave tona do të lexojnë poezi, prozë, intervista, kuriozitete nga bota shtazore, prezantime krijuesish të rinj, portrete , botime të reja, psikologji etj.
Pjesë e revistës janë edhe shtatë faqe për penat e reja, ku nxënësit e shkollave tona nga Lugina, kanë përcjellur punimet e tyre në poezi dhe tregime.

Revista “Shpresat” që nga muaji mars kur u vendos gjendja e jashtëzakonshme për shkak të Pandemisë Covid 19, nuk u shtyp, porse me lehtësimin e masave dhe me fillimin e vitit të ri shkollor doli numri i tretë, numri i muajit shtator.

Revista është e hapur për bashkëpunim me nxënësit e shkollave tona, për të nxitur talent të rinj për krijime letrare.

Kjo revistë është botim i bibliotekës së qytetit ‘’Mehmet Jusufi’’ në Preshevë.