Në Sërbi deri tash janë vaksinuar 9300 vetë kundër koronavirusit

Pas fillimit të vaksinimit të punëtorëve shëndetësorë në Tirsova, Brnabiq tha se kishte lexuar shumë lajme të rreme për këtë temë ditëve të fundit.

Ajo tha se punëtorët shëndetësorë po vaksinohen në të gjithë Serbinë, dhe se deri më tani rreth 9,300 janë vaksinuar.

“Është nivel i kënaqshëm. Ne kemi në plan të shpejtojmë programin e vaksinimit për qytetarët tanë ditëve në vijim”, shtoi ajo.

Brnabiq tha se plani për vaksinimin masiv u përfundua gjatë pushimeve dhe se do të miratohet në Shtabin e Krizave javën e ardhshme.