Hiqet ora policore në Kosovë

Qeveria në detyrë e Kosovës ka vendosur që ta heq orën policore në zonat e kuqe.

Kjo pas një mbledhje online që kanë mbajtur gjatë ditës së sotme.

Burimet e Klan Kosovës brenda ekzekutivit bëjnë me dije se janë miratuar të gjitha masat e propozuara.

Në mesin e masave përfshihet edhe lejimi i punës për operatorët ekonomikë deri në orën 22:00.

Po ashtu parashihet që studentët të nisin mësimin me pjesëmarrje fizike në ligjerata sipas skenarit A të Ministrisë së Shëndetësisë.

Pas pak do të publikohet edhe vendimi i plotë i Qeverisë së Kosovës.