A do te kemi deri ne fund te Qershorit pasaportat kovid? Ja cfare po pregatisin nga BE

Lajmet e fundit nga Brukseli konfirmojnë se vendet anëtare kanë rënë dakord mbi specifikimet teknike të nevojshme për funksionimin e certifikatës.

Një marrëveshje e rëndësishme kontribuon në realizimin e pasaportës covid dhe është pjesë e qëllimit të përbashkët për vënien në qarkullim të “certifikatës së gjelbër dixhitale” deri në fund të qershorit.

Kodi QR është një pjesë e rëndësishme e certifikatës

Sipas raporteve të mediave, certifikata do të përdorë një kod QR për të siguruar prova dixhitale se një person është vaksinuar, ose ka marrë një rezultat negativ të testit PCR, ose është rikuperuar nga një koronavirus.

Sipas propozimeve, çertifikata do të jetë e mundur të përdoret në të gjitha vendet anëtare të BE-së, si dhe në Islandë, Lihtenshtajn, Norvegji dhe Zvicër. Certifikata do të jetë gjithashtu një pikë fillestare për zhvillimin e aplikacioneve të ngjashme në pjesën tjetër të botës.

“Specifikimet teknike të rëna dakord përfshijnë, ndër të tjera, një strukturë të dhënash dhe mekanizma kodimi, përfshirë një kod QR, i cili do të sigurojë që të gjitha certifikatat, si dixhitale ashtu edhe letra, të mund të verifikohen në të gjithë .

“Shtetet anëtare të BE do të jenë në gjendje të shkëmbejnë informacione, si dhe të përcaktojnë vërtetësinë e certifikatës, përmes një faqe të veçantë të dedikuar, pa nevojën e transferimit të të dhënave personale të mbajtësit të certifikatës”, thuhet në deklaratën e Brukselit zyrtar.

Këshilli ra dakord që pasaportat nuk duhet të jenë parakusht për ushtrimin e së drejtës për lëvizje të lirë ose dokumente udhëtimi, në mënyrë që të parandalojë diskriminimin ndaj njerëzve që nuk janë vaksinuar.

Parlamenti Evropian pritet të miratojë qëndrimin e tij të përbashkët në seancat e tij në fund të Prillit.

Certifikata e gjelbër dixhitale ka për qëllim të lehtësojë lëvizjen e sigurt dhe të lirë në BE gjatë pandemisë Kovid 19.