Qendrat tregtare hapen të hënën

Nga e hëna, 12 prill, qendrat tregtare do të hapen dhe do të mund të punojnë deri në ora 22:00.

Kafiterit dhe restaurantet brenda qendrës tregtare nuk do të jenë të hapura.

Sa i përket zhvillimit të mësimit për nxënësit, në mbledhjen tjetër kur të bëhet një analizë e situatës epidemiologjike, nëse bien numrat, nxënësit kthehen në klasa dhe vazhdojnë mësimin sipas planit të vendosur nga 1 shtatori.

Kjo nënkupton se mësimi do të bëhet në klasa por edhe nga shtëpia, ashtu siç mësojnë nxënësit e shkollave të mesme, mësim të kombinuar një javë në shkollë një javë nga shtëpia.

Në seancën e sotme u diskutua edhe për hapjen e pjesëve të brendshme të ambienteve hotelierike. Sipas planit, ato duhet të hapen në 19 Prill, megjithatë, ky vendim nuk u mor sot.

Siç mësohet, hapja e plotë e kafeneve dhe restoranteve do të rishikohet javën e ardhshme.