Shtabi për situata të jashtëzakonshme në Preshevë fillon mbledhjen për vërshimet në Raincë dhe Rahovicë

Komuna e Preshevës kanë mbledhur Shtabin për situata të jashtëzakonshme, për të diskutuar rreth gjendjes së rëndë të krijuar së fundi nga vërshimet në këtë komunë.

Kryetarja e komunës, Ardita Sinani, ka thënë se në orën 15:00 do të fillojë mbledhja e shtabit ne te cilen do te shqyrteohen detajet e situates se shkaktuar.

znj.Sinani ka njoftuar se i ka kerkuar ndihme edhe Qeverise Serbe, asaj te Shqiperise dhe Kosoves.

“Pas dëmeve të shkaktuara mbrëmë nga reshjet e shtuara të shiut, sot në ora 15:00 do të udhëheq mbledhjen e Shtabit për situata të jashtëzakonshme në cilësinë e komandantit të Shtabit, në të cilën do të shqyrtohen detajet e situatës së shkaktuar.
Në të njejtën kohë, gjatë ditës me kërkesë për mbështetje finansiare, për të përballuar këtë situatë të vështirë për komunën e Preshevës dhe për banorët e prekur nga vërshimet, kërkova ndihmë nga Qeveria e Serbisë.
Poashtu për ndihmë komunës dhe qytetarëve tanë iu drejtova me shkrim edhe kryeministrit të Shqipërisë, z. Edi Rama, kryeministrit të Republikës së Kosovës, z. Albin Kurti si dhe kryetarit të Bashkisë Tiranë, z. Erion Veliaj.
Vlen të përmendet se ishte z. Veliaj i pari që reagoi në Kërkesën tonë, duke ofruar mbështetje edhe finansiare përmes një fondi ndihme, të cilën do ta miratojë në mbledhjen e ardhshme të Këshillit Bashkiak.” ka shkruar Sinani ne facebook.

Presheva.AL do te ju njoftoje me kohe per vendimet e marrura pas perfundimit te mbledhjes se shtabit per situata te jashtezakonshme.