Shifrat e koronës vazhdojnë të bien

Sipas të dhënave më të fundit, 287 të tjerë të infektuar rishtas me koronavirus janë regjistruar sot në Serbi.
9 persona vdiqën.
Ka 38 pacientë në aparate për frymëmarrje.

Tani ndodhen 581 pacientë në spitalet në Serbi. Në 24 orët e fundit, 10,912 njerëz u testuan.

Që nga fillimi i epidemisë, 712,989 raste të virusit korona janë regjistruar në Serbi, dhe 6,881 njerëz kanë vdekur si rezultat i infeksionit. Shkalla e vdekshmërisë është 0.96 përqind.

Janë testuar gjithsej 4,175,109 mostra.

Numrat kanë rënë për ditë, gjë që ka rezultuar në lehtësimin e masave në Serbi. Orari i punës në objektet e hotelierisë është zgjatur dhe autoritetet thonë se duhet të kihet kujdes dhe se situata duhet të monitorohet nga dita në ditë dhe nga java në javë në mënyrë që të rregullojë organizimin e festimeve së shpejti.

Kryetari i Komunës së Beogradit, Zoran Radojiçiq, deklaroi se jeta në kryeqytet gradualisht po kthehet në normalitet, gjë që, shtoi ai, gjithashtu tregohet nga organizimi i disa ngjarjeve sportive dhe kulturore.

Gjithashtu, autoritetet u bëjnë thirrje qytetarëve që të vazhdojnë vaksinimin me të njëjtin ritëm, sepse vetëm në atë mënyrë mund të vihet nën kontroll epidemia. Sot, Ministri i Mbrojtjes, Nebojsa Stefanoviq, vizitoi punimet për ndërtimin e një spitali të ri kovid në vendbanimin Miseluk afër Novi Sadit dhe tha se deri më tani dozën e parë e kanë marrë 20,000 anëtarë të sistemit të mbrojtjes, dhe e dyta me rreth 14,000.