Dhe kjo është e mundur: Në Zvicër gjobitet me 192,825 euro për tejkalimin e shpejtësisë

Në Zvicër, një milionere u dënua me një gjobë prej 192,825 euro për tejkalim të shpejtësisë. Gruaja e voziti Range Roverin e saj me 93 km në orë përmes një qyteti të vogël.

Siç raportuan disa media zvicerane, gruaja u filmua ndërsa po ngiste makinën nëpër fshatin Volerau. Kamera regjistroi se shpejtësia me të cilën Range Rover e saj po lëvizte në atë moment ishte 43 km / orë më shumë se kufiri.

Meqenëse gjobat në Zvicër llogariten në bazë të të ardhurave të shoferëve, kjo shpejtësi i kushtoi shtrenjtë asaj.

Gjykata fillimisht kërkoi një gjobë totale prej më shumë se 370,000 euro, por gruaja nuk pranoi, pas së cilës gjoba u ul në rreth 175,000 euro.

Megjithatë, ajo më parë kishte marrë dy dënime me kusht për veprat e mëparshme. Meqenëse shkelja e saj e fundit aktivizoi mëparshmet, gruaja nga Cyrihu duhej të paguante një total prej 209,000 frangash, ose 192,825 euro.