Pas dy vaksinave, keni pasur kovidin – kur është koha për dozën e tretë?

Lloji delta përhapet me shpejtësi dhe imuniteti i vaksinimit te shumë njerëz dobësohet pas më shumë se gjysmë viti, kështu që pyetja është kur të merrni dozën e tretë nëse jeni infektuar me kovid pasi jeni vaksinuar me dy doza.

Koha zyrtare është të paktën një muaj pas shërimit në raste të lehta dhe tre muaj në raste të rënda. Por së pari duhet të konsultoheni me një mjek nëse është vërtet e nevojshme ta bëni atë menjëherë, veçanërisht sepse infeksioni ka fituar një imunitet të ri dhe pastaj të konsideroni nëse do të pranoni dozën e tretë gjatë kohës kur imunteti zvogëlohet.

Të gjithë e dinë që sipas protokollit, është e nevojshme të presësh të paktën gjashtë muaj nga doza e dytë në mënyrë që të marrësh atë dozë shtesë, përforcuese, por shumë nuk dinë çfarë të bëjnë nëse infektohen dhe nuk kanë marrë dozën e tretë.

Prof. Dr Branislav Tiodoroviq, një epidemiolog dhe anëtar i shtabit të krizace, shpjegon se doza e tretë mund të merret nga kushdo që eshte infektuar me kovid edhe pas ka marre dy vaksinat, më së shpejti një muaj pas shërimit të plotë.

“Siç ishte rasti me dozën e dytë, pra infeksionin pas një doze, kështu është tani me të tretën – ai që kishte kovid dhe ishte me një pamje klinike të butë ose asimptomatike, mund të marrë dozën e tretë një muaj pas shërimit të plotë, nëse ka pneumoni dhe një pamje të rëndë klinike, sipas protokollit, duhet të pres të paktën tre muaj për shërim të plotë, gjë që është konfirmuar si në laborator ashtu edhe në atë radiografik, “shpjegon Prof.Tiodoroviq.

Ai thekson se roli i mjekut ose specialistit të zgjedhur është jashtëzakonisht i rëndësishëm edhe në dozën e tretë, sepse doza e tretë rekomandohet për kategoritë më të ndjeshme – ato me sëmundje kronike dhe autoimune, transplantet e organeve, imuniteti i të cilëve tashmë është rëndë i dëmtuar nga sëmundja themelore.

“Sigurisht që asnjë dozë dhe asnjë vaksinë nuk duhet të jepet para se të konsultoheni me një mjek, duke përfshirë këtu edhe dozen e trete-përforcues. Mjeku është ai që do të japë fjalën përfundimtare kur të jetë koha e duhur për të nëse pacienti kishte kovid pas dy dozave,” thekson prof.Tiodroviq.