Rama të hënë vizitë zyrtare në Prishtinë

Kryeministri Edi Rama do të vizitojë ditën e hënë Kosovën, duke mbajtur kështu premtimin që i bëri homologut të tij, Albin Kurtit. Rama do të vizitojë Kosovën pas kthimit nga SHBA ku ka marrë pjesë në Asamblenë të OKB-së.

Mësohet se bashkë me Ramën edhe një pjesë e kabinetit qeveritar do të udhëtojnë drejt Prishtinës për një vizitë një ditore. Vizita e kryeministrit Rama vjen pas ftesës së kryeministrit të Kosovës, Albin Kurti, kur ky i fundit e uroi me rastin e zgjedhjes për herë të tretë kryeministër i Shqipërisë.

Kreu i qeverisë, teksa e falënderoi Kurtin u zotua se dy qeveritë do bashkëpunojnë ngushtësisht për të bërë punë të mira në interes të qytetarëve të të dyja shteteve.