Nga sot pas orës 20 në kafiteri do të ju kërkohet çertifikata e vaksinës

Nga sot, çertifikata e vaksinës do të jetë e vlefshme nga ora 20:00, në vend të orës 22:00 siç ishte para dy javëve. Përveç objekteve hotelierike, ajo do të kërkohet edhe në kazino, bastore dhe klubet e lojërave elektronike.

Një çettifikatë e vaksinës nënkupton konfirmimin e dozës së dytë ose të tretë të vaksinës së marrë, jo më e vjetër se shtatë muaj.

Gjithashtu pranohet edhe testi PCR negativ jo më i vjetër se 72 orë, një test negativ antigjeni që është i vlefshëm për 48 orë ose një konfirmim që keni kaluar koronën jo më të vjetër se shtatë muaj. Çertifikata e vaksinës është e vlefshme edhe nëse shtetasi ka rezultuar pozitiv për antitrupa (IgG), jo më i vjetër se tre muaj, i cili është bërë në një laborator shtetëror.