Ministrja Donika Gërvalla viziton sot Luginën e Preshevës

Gjatë ditës së djeshme, Ministria e Punëve të Jashtme dhe Diasporës bëri të ditur se i është ndaluar vizita në Luginën e Preshevës, ministres Donika Gërvalal Schwarz.

Mirëpo, sot ajo përmes Facebook-ut,Gërvalla ka bërë të ditur se sot ajo do ta zhvillojë vizitën në Luginën e Preshevës.

“Me një ditë vonesë, pas pak do të filloj vizitën time të parë në Luginën e Preshevës.
Ndihem shumë e privilegjuar që në emër të Qeverisë së Republikës së Kosovës të vizitoj përfaqësuesit institucional dhe qytetarët e komunave në Luginë dhe të flas e të shoh nga afër se si mund të thellojmë bashkëpunimin tonë.
Së bashku me prof. Rexhep Gjergjin jemi nisur drejt Bujanocit, ku do të takohemi fillimisht me kryetarin e kësaj komune, z. Nagip Arifi. Takime do të zhvillojmë edhe me përfaqësues të tjerë institucional në këtë komunë.
Gjatë ditës do të qëndrojmë edhe në Preshevë, ku do të takohemi edhe me kryetaren e komunës, znj. Ardita Sinani. Do të zhvillojmë takime me deputetë, përfaqësues të partive politike shqiptare dhe studentë.”ka shkruar Gervalla ne rrjetin social facebook.