Pa karantinë, por me një test shtesë: Rregulla të reja për të hyrë në Zvicër
Zvicra do të heqë karantinën e detyrueshme me hyrjen në vend nga sot, por po vendos rregulla më të rrepta në lidhje me testimin e koronavirusit me shpresën se do të shpëtojë sezonin turistik dimëror.
“Nuk ka asnjë arsye për panik në këtë situatë, nuk ka nevojë për frikë”, tha Alain Berset, një anëtar i Këshillit Federal të Zvicrës.
Do të zgjerohet detyrimi për mbajtjen e maskave, si dhe posedimi i certifikatave të COVID-19 dhe qeveria rekomandon sërish punën nga shtëpia, megjithëse nuk është e detyrueshme, sepse disa kantone e kundërshtojnë.
Udhëtarët e pavaksinuar që duan të hyjnë në Zvicër nga një vend ose zonë Shengen, të cilat autoritetet e konsiderojnë të rrezikshme, nuk do të mund ta bëjnë këtë.
Zonat kufitare janë të përjashtuara nga detyrimet e reja të testimit.
U lejuan sërish fluturimet nga Afrika e Jugut, të cilat u ndaluan më 26 nëntor për shkak të shfaqjes së një varianti të ri të virusit.
“Të gjithë ata që hyjnë në territorin tonë, përfshirë ata që janë vaksinuar dhe ata që kanë pasur koronavirus, duhet të testohen”, theksoi ministrja.
Krahas një testi PCR negativ përpara hyrjes në vend, që nga sot, është i detyrueshëm edhe PCR ose testi i antigjenit ndërmjet ditës së katërt dhe të shtatë pas mbërritjes.
Të gjithë do të duhet të plotësojnë një formular hyrjeje (https://swissplf.admin.ch/formular) me të dhëna personale për të verifikuar që janë testuar
Qytetarët e Serbisë mund të hyjnë në Zvicër nëse janë vaksinuar me njërën nga vaksinat e mëposhtme: Moderna, Pfizer, Johnson dhe Johnson, AstraZeneca, Sinovak dhe Sinofarm.
Udhëtarët që nuk janë vaksinuar ose nuk janë ekspozuar ndaj koronavirusit duhet të dorëzojnë një PCR negative (jo më të vjetër se 48 orë) ose antigjenike (jo më të vjetër se 24 orë) kur të hyjnë në Zvicër.
