Italia ka futur vaksinimin e detyrueshëm, gjoba nga 600 deri në 1500 euro

Sot në Itali ka hyrë në fuqi vaksinimi i detyrueshëm i qytetarëve mbi 50 vjeç kundër koronavirusit.

Ata që nuk janë vaksinuar mund ta bëjnë këtë deri në fund të janarit.

Nga 1 shkurti, ata që nuk janë vaksinuar, kanë marrë dozën e dytë apo të tretë, edhe pse kanë pasur mundësi, do të gjobiten me 100 euro.

Masa do të jetë në fuqi deri më 15 qershor dhe do të zbatohet për të gjithë banorët mbi 50 vjeç, përfshirë edhe shtetasit e huaj.

Të gjithë mbi 50 vjeç do të duhet të paraqesin një çertifikatë vaksinimi ose vërtetim se janë infektuar me COVID-19 në punë nga data 15 shkurt dhe pa atë certifikatë do të detyrohen të punojnë në distancë.

Punonjësit nën moshën 50 vjeç mund të tregojnë një test negativ për koronavirusin.

Ata që shkelin masat përballen me gjoba nga 600 deri në 1500 euro.

Vendosja e vaksinimit të detyrueshëm për të moshuarit ka ngjallur reagime të ndara në vend.

Shumë nga partitë në pushtet e kanë mirëpritur masën, me kryeministrin Mario Draghi që argumenton se ajo ishte krijuar për të mbrojtur popullsinë në rrezik më të madh të shtrimit në spital pas infeksionit me Covid.

Beppe Grillo, themeluesi i Lëvizjes Pesë Yjet, grupi më i madh parlamentar i Italisë, tha se kontrolli i qeverisë kishte kërkuar që “skenat orwelliane” të ngarkonin mendjet e njerëzve.

Në numrin e sotëm të gazetës “Republika”, presidenti i rajonit të Ligurias, Giovanni Totti tha se kjo masë duhet të kishte përfshirë të gjithë të rriturit.